RSS

Daily Archives: નવેમ્બર 27, 2012

તૂ મળી જાય.


કાયમનો મુસાફર બનાવી દીધો તારી જુદાઈઍ,
દરબદર ભટકું છું કે કદાચ ક્યાંક તૂ મળી જાય.

શ્વપ્નો અને કલ્પનાઓમાં તો તૂ મળે છે કાયમ,
હકીકતમાં પણ હવે કદાચ ક્યાંક તૂ મળી જાય.

શોધીને થાકું છું ને ફરી તારી યાદો ઝંઝોડે મને,
શોધતા શોધતા મને કદાચ ક્યાંક તૂ મળી જાય.
રાતના અંધારામાં અથડાઉં છું ઘરની દીવાલોથી,
ઘરમાં જ મારા મને કદાચ ક્યાંક તૂ મળી જાય.
હ્રદય અને મન મારુ હોતુ’તૂ ઘર તારુ ,
ઈશ્વર સાંભળે અને કદાચ ક્યાંક તૂ મળી જાય.
Advertisements
 

ફૂલ તો ખીલ્યા પ્રેમના પણ જિંદગીમાં સજાવી ન શક્યા.


કચવાટ મનના સમયસર જીભ પર આવી ન શક્યા ,
મનથી જેને ચાહ્યા તેને કદી પ્રેમ સમજાવી ન શક્યા,
મળે છે મનનો માણિગર બહું ઓછાને આ દુનિયામાં,
ફૂલ તો ખીલ્યા પ્રેમના પણ જિંદગીમાં સજાવી ન શક્યા.

 

મળી ગઈ.


જીવનને અઢળક ખુશીઓથી ભરી ગઈ,
તારા પ્રેમની આ ખુશી કમાલ કરી ગઈ.

સુખોનો અભાવ હતો તારા આવ્યા પહેલા,
તૂ આવી તો જાણે કિસ્મત પણ ડરી ગઈ.

દરેક દ્રશ્ય હવે રંગીન થયુ બ્રહ્માંડ પરનુ,
તારા આગમનથી જાણે દિશાઓ ફરી ગઈ.

પાનખરથી વધુ સૂકુ હતુ જીવન ભૂતકાળમાં,
તૂ મળી અને જાણે મને વસંત મળી ગઈ.

 

ડરું છું.


હું છું તારો તો પણ કેમ,
તને કૈંક કહેવાથી ડરું છું,

પ્રેમમાં હશે શ્રધ્ધા ઓછી,
તને ગુમાવવાથી ડરું છું.

કરશે અળગો મને તુજથી,
તેથી હું મરવાથી ડરું છું.

લાગે ન નજર પ્રેમને કદી,
સાથે ચાલવાથી ડરું છું.

જીવન તેવુ જેમાં તૂ ન હો,
તેને હું જીવવાથી ડરું છું.

તૂ હારે અને તોજ હું જીતું,
તો તેવા જીતવાથી ડરું છું.

 

ટૅગ્સ:

રાખ્યા છે અમે


સુખમાં જ સાથ આપે છે આ દુનિયા મિત્રો
તેટલે જ બધા આંસુ સંતાડી રાખ્યા છે અમે.

કદાચ કોઈની પ્રાર્થના કામય લાગી જાય,
શ્વપ્નોને હજી પણ જીવાડી રાખ્યા છે અમે.

આવશે જ પાછા વળી વિખૂટા જે પડ્યા છે,
દિવડા આશાના સળગાવી રાખ્યા છે અમે.

આવીને દુખી ન થાય જોઈને મારા ઝખ્મો,
બધાજ ઝખ્મો હવે મટાડી રાખ્યા છે અમે.

મિલન તો થવુ જ રહ્યુ શક વિના ,
નસીબ બનાવનારને મનાવી રાખ્યા છે અમે.

 

ટૅગ્સ: