RSS

સાન્તા ક્લોઝ

24 ડીસેમ્બર

FreeGreatPicture.com-30957-santa-claus

નાતાલ પર્વની સાથે સાન્તા ક્લોઝ વણાઈ ગયા છે. સાન્તા ક્લોઝ વિનાની નાતાલ કલ્પી પણ ન શકાય. આ સાન્તા ક્લોઝના પાત્ર પાછળ એક રસપ્રદ કથા છે. એ ખરેખર બનેલી ઘટના છે કે માત્ર દંતકથા એની તો માત્ર ઈસુને ખબર, પણ એ વાત આમ છે.
નિકોલસ ધનિક, ઉદાર અને ધાર્મિક માતાપિતાનો એકમાત્ર પુત્ર હતો. માતાપિતાના પરગજુપણાના સંસ્કાર એનામાં પણ ઉતર્યા હતા.એકવાર એમના ગામમાં રોગચાળો ફાટી નીકળ્યો. રોગચાળાની ઝપટમાં આવીને એના માતા અને પિતા બંને અકાળે મૃત્યુ પામ્યા. નિકોલસ એકલો પડી ગયો પણ એની પાસે વારસામાં પુષ્કળ સંપત્તિ હતી એટલે જીવનનિર્વાહની તો એને કોઈ ફિકર નહોતી.
એક વખત ક્રિસમસના આગલા દિવસે એ ગામમાં ફરવા નીકળ્યો હતો. ત્યારે એક ગરીબ ઘરમાં થતો સંવાદ એણે સાંભળ્યો ઃ
‘‘પિતાજી, કાલે નાતાલના દિવસે મને શું ભેટ આપશો?’’
‘‘બેટા, ભેટના પૈસા આપણી પાસે ક્યાંથી? ભેટ તો હવે ભગવાન આપે તો. ભેટની વાત તો દૂર, પણ કાલે પહેરવા નવાં કપડાં પણ ક્યાં છે? આ જૂનાં કપડાં સારી રીતે ધોઈને સાંજે સૂકવી દઈશું તો કાલે ચાલી જશે.’’
પિતા અને નાનકડા પુત્ર વચ્ચેની આ વાતચીત સાંભળીને નિકોલસને દયા આવી ગઈ. રાત્રે એ ફરીથી પેલા ઘર પાસે ગયો. ત્યાં જે કપડાં સૂકાતાં હતાં તેમાં મોજાં પણ હતાં. તે મોજામાં નિકોલસે થોડા પૈસા, નાનાં-નાનાં રમકડાં અને ચોકલેટ્‌સ મૂકી દીધી.
સવારે પેલા ઘરના માણસોએ કપડાં લીધાં તો મોજામાંથી સોગાદ મળી! નાનકડો છોકરો તો હરખાઈ ઊઠ્યો. પિતાને થયું, ‘ભગવાન ઈસુએ આપણી વ્હાર કરી.’ ગામ લોકોને પણ ધીમે ધીમે આ વાતની ખબર પડી.
એ પછી બીજી ક્રિસમસ આવી ત્યારે આ છોકરાની સાથે ગામનાં બીજાં છોકરાંઓએ પણ પોતાનાં ઘરની બહાર મોજાં લટકાવી દીધા. નિકોલસને થયું કે એ બધાં જ મોજામાં ભેટ મૂકવી જોઈએ નહિતર બાળકો નિરાશ થઈ જશે અને ભગવાન ઉપરથી એમનો ભરોસો ઊઠી જશે.
રાત પડી એટલે નિકોલસે ગામમાં ઘેર ઘેર ફરીને દરેક મોજામાં ભેટ મૂકી દીધી. આ રીતે આ પ્રથા ચાલુ થઈ. થોડાં વર્ષો બરાબર ચાલ્યું. પણ એ રાતે કોઈએ નિકોલસને ભેટ મૂકતા જોઈ લીધો અને ગામમાં ખબર પડી ગઈ કે આ કામ તો નિકોલસનું છે.

એ પછી નિકોલસ ‘સંત’ એટલે કે ‘સેઈન્ટ’ તરીકે ઓળખાવા લાગ્યો અને ‘સેઈન્ટ નિકોલસ’નું અપભ્રંશ ‘સાન્તા ક્લોઝ’ બની ગયું.

Advertisements
 
Leave a comment

Posted by on ડિસેમ્બર 24, 2012 in બાળવિભાગ, સરસ

 

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

 
%d bloggers like this: