RSS

અકબર-બિરબલ (કાગડાની વસ્તી ગણતરી)

06 જાન્યુઆરી

એ ક દિવસ અકબર બાદશાહ દરબાર ભરીને બેઠા હતા. અકબર ઘણી વાર દરબારમાં વિચિત્ર પ્રશ્નો પૂછતા હતા. આવા પ્રશ્નોના જવાબમાં દરબારીઓની બુદ્ધિની કસોટી થતી.

અકબરે દરબારીઓને પ્રશ્ન પૂછયો, “દિલ્હીમાં કુલ કાગડા કેટલા?” બાદશાહ આવો વિચિત્ર પ્રશ્ન પૂછશે એવી તો કોઈને ક્યાંથી કલ્પના હોય? માણસોની વસ્તી ગણતરી થાય. કાગડાની વસ્તી ગણતરી શી રીતે થાય? બધા દરબારીઓ મૂંઝાયા. કોઈ જવાબ આપી શક્યું નહીં. જે દરબારીઓને બિરબલની ઈર્ષા થતી હતી તેઓએ બાદશાહને કહ્યું કે, “જહાંપનાહ, આવા પ્રશ્નો તો તમારે બિરબલને જ પૂછવા જોઈએ. કેમ કે, તેને આવી બધી વધારે ખબર હોય છે.”

છેવટે અકબરે બિરબલ તરફ નજર કરી. બિરબલે થોડી વાર ચૂપ રહ્યા પછી જવાબ આપ્યો. હજૂર દિલ્હીમાં સાઠ હજાર છસ્સો અઠ્ઠાવન કાગડા છે.

“શું? તને બરાબર ખાતરી છે?” બાદશાહે આશ્ચર્ય વ્યક્ત કરતાં કહ્યું.

“હા જી, પાકી ખાતરી કર્યા પછી જ આપને કહું છું, જહાંપનાહ!”

“અને તેં કહ્યું તેના કરતાં કાગડાની સંખ્યા વધારે હોય તો?”

“જહાંપનાહ, તો આપણા શહેરના કાગડાઓના સગાઓ બહારગામથી તેઓને મળવા આવ્યા હશે.” બિરબલે તરત જવાબ આપતાં કહ્યું.

“એમ? અને તેં કહી તે સંખ્યા કરતાં શહેરમાં ઓછા કાગડા હોય તો?” બાદશાહે સામે પ્રશ્ન કર્યો.

બિરબલે મૂંઝાયા વગર જવાબ આપ્યો, “તો આપ નક્કી માનજો કે આપણા શહેરના કાગડાઓ તેમના સગા-સંબંધીઓને મળવા બહારગામ ગયા હશે.

બિરબલના આવા હાજર જવાબોથી બાદશાહ પ્રભાવિત થયા અને જે દરબારીઓએ આ પ્રશ્ન બિરબલને પૂછવા માટેનું સૂચન કર્યું હતું તે ઝંખવાણા પડી ગયા.

બાદશાહે પેલા દરબારીઓ સામે ફરીને કહ્યું કે, “મને ખબર જ હતી કે બિરબલ પાસે તો આનો જવાબ તૈયાર જ હશે, પણ આજે હું બિરબલની નહીં તમારા લોકોની બુદ્ધિની પરીક્ષા કરતો હતો.” બાદશાહે ખુશ થઈને બિરબલની ખૂબ જ પ્રશંસા કરી.

Advertisements
 
Leave a comment

Posted by on જાન્યુઆરી 6, 2013 in બાળવિભાગ

 

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

 
%d bloggers like this: