RSS

Monthly Archives: February 2013

પ્રેમની ધારાને તારી કોર વાળી પણ શકે.


પ્રેમની ધારાને તારી કોર વાળી પણ શકે.
જિંદગી આખી તું મારી સાથે ગાળી પણશકે.
આંખથી આંખો પરોવી ના શકે તો શું થયું!
‘હા’ કહેવા માટે પાંપણ નીચી ઢાળી પણ શકે.
છે ગઝલ મારી છતાં તારી જ એમાં વાત છે.
વાત મારી માનીને એને તું ટાળી પણ શકે.
પ્રેમ હો કે બંદગી ;દર્શનની રીતો એ જ છે.
બંધ આંખે તું મને હરપળ નિહાળી પણ શકે.
તારો છે ખામોશ એની જિંદગી તારી જ છે.
ચાહે તો અજવાળે ચાહે તો તું બાળી પણ શકે.

અજ્ઞાત

 

આવા ભાગ્યા કદી લખાયા નહીં હોય.


આંસુ તેના પણ સુકાયા નહીં હોય,
ઝખ્મો તેના પણ રૂઝાયા નહીં હોય,
શું થાય બસ નસીબની બલિહારી છે,
આવા ભાગ્યા કદી લખાયા નહીં હોય.

હું રડું અહીં, ત્યાં તેની આહ્ નીકળતી હશે,
હું બળું અહીં, જલન ત્યાં તેને થતી હશે,
મરીશું સાથે અમે, ભલે જીવ્યા સાથે નહીં,
હું મરું અહીં, ત્યાં તેની રૂહ તડપતી હશે,

 

જિંદગી, જિંદગી નહીં રહે.


તૂ જિંદગીનો ઍ હિસ્સો છે,
જે અલગ થાય તો
જિંદગી, જિંદગી નહીં રહે.

મારી કવિતાઓની શાન
તારા કારણે, તૂ ન હોય તો
કવિતા, કવિતા નહીં રહે.

બંદગી કરું છું હુંમેશથી,
તારા માટે, તૂ ન હોય તો,
ઈશ્વર, ઈશ્વર નહીં રહે.

 

કાશ આ જિંદગી થોડી સહેલી હોત,


કાશ આ જિંદગી થોડી સહેલી હોત,
સુખ તરફ થોડીક વધુ ઢળેલી હોત,

નશો જો હોત સફળતાઓનો કદાચ,
પીધા વગર જ અમને ચઢેલી હોત.

હું હોત ને ફક્ત મારી દુનિયા બસ,
પછી ક્યાં કોઈની પણ પડેલી હોત.

ના રહેતે કોઈ પણ કમી જિંદગીમાં,
આ મારી કિસ્મત સોને મઢેલી હોત.

ફરિયાદ નથી બસ અપેક્ષા છે મારી,
‘અખ્તર’ ઈશ્વરે કાશ સાંભળેલી હોત.

 

સારુ લાગે છે મને.


રોજે સવાર-સાંજ તારુ પુછવુ,
‘જમવામાં આજે શું બનાવુ ?’
સારુ લાગે છે મને.

દૂર કશેક જ્યારે હું હોઉં ત્યારે,
‘ યાદ આવે છે કે નહીં મારી ?’

સારુ લાગે છે મને.

ઉદાસ હોઉં હું ત્યારે પૂછે તૂ,
‘શું થયુ ? મને નહીં કહો ?’

સારુ લાગે છે મને.

તૂ કહે તે સાચુ જ પડે, ને પૂછે,
‘ આવુ જ થશે કહ્યુ’તૂ ને મેં ?’

સારુ લાગે છે મને.

હું રિસાઉં કદી તો પણ તૂ પૂછે,
‘ મારાથી કઈંક ભુલ થઈ કે શું ?’

સારુ લાગે છે મને.

 

……….પણ માંડ માંડ.


કરચલીઓ મારી ચાદરની બધુ જ કહી જાય છે,
તારા વીના રાત્રી વિતી તો ખરી પણ માંડ માંડ.

આ આંખોની લાલાશ હ્રદયનો હાલ કહી જાય છે,
તારા વીના ઉંઘ આવી તો ખરી પણ માંડ માંડ.

લાગે છે કે અટકી ગઈ છે જિંદગી તારા અભાવે,
જિંદગીની ક્ષણો નીકળી તો ખરી પણ માંડ માંડ.

તારા સ્મરણો જ જીવતી રાખે છે આશાઓ મારી,
હૈયાની અગન જરા બેઠી તો ખરી પણ માંડ માંડ.

શબ્દો પણ દૂર ભાગે છે તૂ નથી તો હવે ‘અખ્તર’
જેમ તેમ ગઝલ લખી તો ખરી પણ માંડ માંડ.

 

ઈશ્વર સામે બોલું ને તૂ સામે હોય.


ક્યારેક એવુ થાય કે સવાર થાય
બસ આંખ ખોલું ને તૂ સામે હોય.

ક્યારેક એવુ થાય કે યાદ આવે,
બસ નામ બોલું ને તૂ સામે હોય.

ક્યારેક એવુ થાય કે ભૂલાવુ તને,
બસ મનને તોલુ ને તૂ સામે હોય.

ક્યારેક એવુ થાય કે હું ખૂબ રડું,
હ્રદયના ઘા છોલું ને તૂ સામે હોય.

આશય જીવનનો ફક્ત તૂ ‘અખ્તર’
ઈશ્વર સામે બોલું ને તૂ સામે હોય.