RSS

Daily Archives: માર્ચ 23, 2013

… બનેજ નહીં.


આ જિંદગીમાં હું થાકું કદી, બનેજ નહીં,
રહેમ જિંદગીથી માંગું કદી, બનેજ નહીં.

મેળવ્યુ ઘણું જે ન્હોતુ મળવાનુ ક્યારેય,
લડત નસીબને ન આપું કદી, બનેજ નહીં.

કાણા કરીનેય વાદળમાં તરસ છિપાવી,
મૃગજળની પાછળ ભાગું કદી, બનેજ નહીં.

આકાશથી ઉંચી છે ઈચ્છાઓ કાયમથી,
ને સફળતાથી ઓછું ચાહું કદી, બનેજ નહીં.

પોતે ખુશ રહેવુ, બીજાને ખુશ રાખવા છે,
કોઈને દુખી, નિરાશ રાખું કદી, બનેજ નહીં.

 

હું તને બેહદ પ્રેમ કરું છું.


સાંભળ, વાદળોની ગર્જના કહે છે,
હું તને બેહદ પ્રેમ કરું છું.

સાંભળ, પારેવાના ટહુકાઓ કહે છે,
હું તને બેહદ પ્રેમ કરું છું.

સાંભળ, હ્રદયના ધબકારા કહે છે,
હું તને બેહદ પ્રેમ કરું છું.

સાંભળ, હવાનો સળવળાટ કહે છે,
હું તને બેહદ પ્રેમ કરું છું.

સાંભળ, વરસાદના ટીપાઓ કહે છે,
હું તને બેહદ પ્રેમ કરું છું.

સાંભળ, મેઘધનુષની ઉપર લખ્યુ છે,
હું તને બેહદ પ્રેમ કરું છું.

સાંભળ, સમુદ્રની લહેરો બૂમો પાડે છે,
હું તને બેહદ પ્રેમ કરું છું.

સાંભળ, ફૂલો પરનુ ઝાંકળ કહે છે,
હું તને બેહદ પ્રેમ કરું છું.