RSS

Monthly Archives: મે 2015

બંને એક થઈ જઇયે હંમેશા માટે.


ખળખળ વહેતું ઝરણું જાણે હું છું,
અને તું એક નદી છે,
મારી મસ્તીમાં દોડું છું
તારી તરફ,
ખડકો સાથે અથડાઈને વાગવાની
ચિંતા કર્યા વગર,
તને મળવાની ઉતાવળમાં,
કોઈ શું કરે છે,
શું કહે છે,
ચિંતા કર્યા વગર,

તું નદી,
હાથોને ફેલાવીને જાણે
મારી રાહ જોતી હોય,
આલિંગનમાં લેવા માટે,
પોતાનો બનાવવા માટે,
હું પહોંચું તારા સુધી અને
તારામાં સમાઇ જાઉં,
મારું અસ્તિત્વ ખત્મ કરીને,
બંને એક થઈ જઇયે હંમેશા માટે.

Advertisements
 

ગુજરાત સ્થાપના દિવસ


સાસણ કેરા જંગલ માં કેસરી ની ડણાંક હોઈ,
સોમનાથ અને દ્વારિકાનાથ ના સૌરાષ્ટ્રમાં બેસણા હોઈ,
આભ હારે વાતું કરતો ગરવો એવો ગઢ  ગીરનાર હોઈ,
સોમનાથના સખાતે બલિદાન થયા એવા વીર હમીરજી ના પારિયા હોઈ,
નર્મદા મૈયા  ખડ ખડ કરતી વહેતી હોઈ જાણે ગુજરાત ને વહાલ કરતી હોઈ,
૫૧ શક્તિપીઠ ની જ્યોત ના જ્યાં દર્શન હોઈ એવા અમારી અંબા માં ના ધામ હોઈ,
૨૪ કલાક હરી હર ની હાકલ હોઈ એવા બગદાણા અને વીરપુર ના સંત હોઈ,
૧૬૦૦ કિલોમીટર નો દરીઓ, કત્ચ્છ નું રણ અને સાપુતારા ની પર્વત માળા હોઈ,
સુખ શાંતિ અને સમૃધી થી ભરેલું એવું અમારું ગરવી ગુજરાત હોઈ,
સંત સુર અને દાતાર ની ધરતી હોઈ, બસ એજ ખુશ્બુ અમારા ગુજરાત ની હોઈ.

ગુજરાત સ્થાપના દિવસ ની નાનકડી એવી આ રચના સપ્રેમ ભેટ.

 
 

ટૅગ્સ: