RSS

Daily Archives: સપ્ટેમ્બર 17, 2016

શ્રાદ્ધ – એક ભારતીય પરંપરા


 પ્રથમ શ્રાધ્ધઃ ૧૬ દિ’ પિતૃદેવોને શ્રાધ્ધ અર્પણ કરાશે

ધાર્મિક કારણ – શ્રાદ્ધએ એક પ્રકારનું સર્વ-પિતૃ નૈવૈધ છે, જે આપણા દિવંગત વડીલોને ઋણ પેટે ચૂકવીએ છીએ, અને તેમના આત્મા પ્રત્યે કૃતજ્ઞતા પ્રગટ કરીએ છીએ ..
સામાજિક કારણ – પિતૃની સ્મૃતિ નિમિતે આખું કુટુંબ સાથે મળી ભેગા થાય અને વર્ષ દરમિયાન કુટુંબમાં થયેલા નાના-મોટા મનદુઃખ કે ઝઘડા વડીલોની હાજરીમાં દુર કરવાની કોશિશ કરે અને સંપ અને એકતા ટકાવવા સમાધાન કરાવે અને કરે ..
વૈજ્ઞાનિક કારણ – વરસાદી વાતાવરણ અને કમજોર પાચન શક્તિને લીધે વા, પિત,અને કફજન્ય રોગોમાં આ સમયે પિતદોષ વધી જાય છે અને પિતનું મારણ ‘ ખીર’ છે દરેકને શ્રાદ્ધ આવે અને ખીર ખાયને પિતદોષ જાય ..
પ્રાકૃતિક કારણ – આ જ સમયમાં કાગડાનો સંવનન કાળ પૂરો થયો હોય તેમના માળામાં ઈંડા સેવવાનું અને બચ્ચા ઉછેરવાનું કામ ચાલુ હોય ત્યારે આસાનીથી તેને 16 દિવસ ખોરાક મળી રહે અને પ્રકૃતિનું ઋણ ચુકવવાની અહી ભાવના છે ..
કેટલી સુંદર ભાવનાઓ આપણા તહેવારોમાં ઓતપ્રોત થયેલી છે ક્યારેય વિચાર્યું છે ? હિંદુ સંસ્કૃતિ એ પ્રકૃતિ સાથે એકરસ થઇ જીવવાનું શીખવે છે, કુદરતમા ભળી જઈને અનુકૂળ થવાનું શીખવે છે !! આનંદથી જીવવાનું શીખવે છે, કુદરતનો વિરોધ કરવાનું નહી !!

 
1 ટીકા

Posted by on સપ્ટેમ્બર 17, 2016 in અંગત